Main menu:

Fréttir

Myndir frá skólasetningu

Höfðingleg gjöf ( 27.08.2010)
Fyrirtækið DalPay færði nemendum 1. bekkjar góða gjöf í upphafi skólagöngunnar. Allir nemendur fengu skólatösku með öllum nauðsynlegum skólagögnum. Hér má sjá myndir frá því þegar forsvarsmenn fyrirtækisins afhentu börnunum skólatöskurnar. Fyrirtækinu eru færðar bestu þakkir fyrir góða gjöf.

Kæru nemendur og foreldrar Grunnskóla Dalvíkurbyggðar.

Grunnskóli Dalvíkurbyggðar býður nemendur og foreldra velkomna til samstarfs á nýju skólaári.
Nú hefst skólastarfið að nýju og vonandi hafa allir átt ánægjulegt sumarfrí. Við hlökkum til komandi samstarfs og vonumst til þess að eiga góð og traust samskipti.
Skólastarf sem einkennist af virðingu, trausti og hlýju er okkur mikilsvert og viljum við leggja áherslu á að rækta umhyggju og virðingu í samskiptum okkar.
Rannsóknir sýna að jákvæð viðhorf foreldra til skólans og virk þátttaka í skólastarfinu hefur áhrif á velgengni og velferð barnanna. Því er nauðsynlegt að efla og rækta samskipti og samstarf heimila og skóla og einnig viljum við minna á að foreldrar eru ávallt velkomnir í skólann.

Það er von okkar að samstarfið verði áfram ánægjulegt og skólagangan gangi að óskum. Vinnum saman að því að stuðla að góðri líðan nemenda og að byggja upp góðan skóla. Þannig náum við árangri og gleði.

Starfsfólk Grunnskóla Dalvíkurbyggðar.

Skólabyrjun

Nemendur mæta með foreldrum/forráðamönnum í boðað viðtal hjá umsjónarkennara miðvikudaginn 25. ágúst.

Skólasetning 26. ágúst.

Árskógarskóli
Nemendur mæta kl. 09:00

Dalvíkurskóli
Nemendur í 1. – 6. bekk kl. 10:00.
Nemendur í 7. – 10. bekk kl. 11:00.

Skólastjóri

Uppeldi til ábyrgðar
Dalvíkurbyggð hefur ákveðið að innleiða uppeldisstefnu sem unnið verður eftir í stofnunum sveitarfélagsins ervinna með börnum. Uppeldisstefnan er kennd við Diane Gossen sem starfað hefur í Kanada og kallast Uppeldi til ábyrgðar, uppbygging sjálfsaga.

Uppeldi til ábyrgðar miðar að því að ýta undir ábyrgðarkennd og sjálfstjórn barna og unglinga og þjálfa þau í að ræða um tilfinningar og átta sig á þörfum sínum. Vinnuaðferðunum er einnig ætlað að styðja starfsmenn skóla við að móta sér skýra stefnu varðandi samskipti og agamál. Öðru fremur er um að ræða aðferðir við að kenna sjálfstjórn og sjálfsaga og styrkja einstaklinga í því að læra af mistökum sínum. Hugmyndafræðin hefur áhrif á kennsluhætti, stjórnunarhætti, áherslur í lífsleiknikennslu og ekki síst á meðferð agamála (sjá heimild).

Í vetur mun Grunnskóli Dalvíkurbyggðar hefja innleiðingu uppeldisstefnnar og hafa allir starfsmenn skólans farið á tveggja daga námskeið,í umsjón Magna Hjálmarssonar og Sigríðar Ragnarsdóttur, og lært hugmyndafræði Uppeldis til ábyrgðar. Þau voru einnig með kynningu fyrir foreldra í Bergi 10. ágúst síðast liðinn. Í framhaldi mun starfsfólk vinna í hópum að innleiðingunni sem taka mun um tvö ár.

Hér eru ýmsar upplýsingar um Uppeldi til ábyrgðar:
http://netla.khi.is/greinar/2007/003/index.htm
http://sunnuhvoll.com/
http://www.realrestitution.com/

Skóladagatal 2010-2011
Þá er skóladagatalið komið inn á vefinn.

Innkaupalistar komnir á vefinn
Smellið á þann bekk sem þið viljið skoða hér neðar til hægri á síðunni

Eldri fréttir.......